Reseıge balyq tasymaldaǵan qylmystyq top músheleri 10 jylǵa sottaldy
ATYRAÝ. QazAqparat - Atyraýda sot ultaralyq qylmystyq toptyń múshelerine úkim shyǵardy. Olar zańsyz balyq aýlap, ony shetelge kontrabandalyq jolmen jetkizip otyrǵan, dep habarlaıdy QazAqparat tilshisi.
«Sot Bolatbek Mahyshqalıevti QR QK 264-baby 1-bóligi, 336-baby 4-bóligi, 339-baby, 364 jáne 367-baptary boıynsha aıypty dep tanyp, 10 jylǵa bas bostandyǵynan aıyrdy. Sottalýshylar Sh. Mırasov pen B. Qurmanǵalıev QR Qylmystyq kodekstiń 264-baby, 2-bóligi jáne 335-baby, 4-bóligi boıynsha aıypty dep tanyldy. Olardyń árqaısysy 8 jylǵa sottaldy», - dep málimdedi oblystyq sottyń baspasóz qyzmetinen.
Tergeý barysynda anyqtalǵandaı, RF azamaty Qurmanǵazy aýdandyq orman sharýashylyǵy jáne janýarlar álemi ınspektsııasynyń bas mamany Bolatbek Mahyshqalıevpen birlesip, «Aqsý-Qıǵash» JShS-nyń dırektory men mamandaryn jumystan bosatyp, osy kompanııany ıemdenip alǵan.
Keıin shtatqa týystary men tanystaryn alǵan. Reseı azamaty «Aqsý-Qıǵash» JShS dırektory bolyp taǵaıyndalyp, onyń orynbasary balyq ınspektorynyń tanysy bolǵan. Jańa dırektordyń orynbasary kásiporynnyń balyqshylaryn zańsyz balyq aýlaýǵa jáne onyń Astrahan oblysynda shekara arqyly tasymaldaýǵa daıyndaǵan. Tergeý nusqasy boıynsha, B. Mahyshqalıevten bólek, «Aqsý-Qıǵash» JShS dırektorynyń orynbasary Shalqar Mırasov jáne «Aq Jaıyq» memlekettik tabıǵı rezervatynyń bas ınspektory Baqytjan Qurmanǵalıev qylmystyq top múshesi bolǵan.
Ultaralyq qylmystyq toptyń áreketin QR UQK qyzmetkerleri áshkereledi.
