Reseıge 5 mıllıonǵa jýyq maska zańsyz shyǵarylmaq bolǵan
NUR-SULTAN. QazAqparat – QR Ulttyq qaýipsizdik qyzmeti 13 márte Reseıge zańsyz jolmen medıtsınalyq buıymdardy shyǵarmaq bolǵandardyń jolyn kesken, dep habarlaıdy QazAqparat vedomstvonyń baspasóz qyzmetine siltememen.
«Shekara qyzmetiniń Batys Qazaqstan oblysy boıynsha departamenti 2020 jylǵy naýryz aıynan bastap qazirgi ýaqytqa deıin Reseıge medıtsınalyq jeke qorǵanys zattaryn shyǵarýdyń 13 jaǵdaıynyń aldyn aldy (medıtsınalyq maska – 4 585 570 dana, qolǵap – 3 900 000 dana, qorǵanys kózildirigi – 480 dana). Tárkilengen zattardyń boljamdy somasy 500 mıllıonnan astam teńgeni quraıdy» delingen habarlamada.
Málimetke saı, uıymdastyrýshylar qorǵanys zattaryn zańsyz shyǵarý úshin halyq tutynatyn taýarlar júginiń arasyna jasyrǵan.
UQK Shekara qyzmetiniń aýmaqtyq bólimsheleri Qazaqstannan jeke qorǵanys zattaryn zańsyz shyǵarýdyń jolyn kesý maqsatynda ótkizý pýnktterinde baqylaýdy kúsheıtýdi qolǵa aldy.
