Reseıge 47 tonna syra ótkizbek bolǵan azamat ustaldy
ASTANA. QazAqparat - Qazaqstan - Reseı shekarasynda 47 tonna syra kontrabandasynyń joly kesildi, dep habarlaıdy «QazAqparat» HAA QR UQK Shekara qyzmetiniń baspasóz qyzmetine silteme jasap.
Habarlamada aıtylýynsha, Pavlodar shekara jasaǵynyń «Qosaq avto» ótkizý pýnktinde «KamAZ» júk kóligimen úlken kólemdegi alkogoldik ónimdi Reseıge ótkizbek bolǵan 35 jastaǵy Qazaqstan azamaty ustaldy.
Kólikti tekserý kezinde 17 tonna quıylmaly syra jáne jalpy salmaǵy 30 tonna bolatyn 0,5 lıtrlik 60 myń bótelke syra anyqtalǵan.
Sonymen qatar Qazaqstan-Qytaı shekarasynda teri buıymdaryn zańsyz ótkizý qylmysynyń joly kesildi. «Qorǵas» ótkizý pýnktiniń jasaǵy Halyqaralyq shekaralyq yntymaqtastyq ortalyǵynan Qazaqstanǵa 144 dana teri kıimderdi ótkizbek bolǵan 52 jastaǵy Qazaqstan azamaty ustaldy.
