Reseıge 36 tonna qara metall ótkizbek bolǵandardyń joly kesildi
ASTANA. QazAqparat - Ótken táýlik ishinde qazaqstandyq shekarashylar 36 tonna qara metall tıep kele jatqan eki júk mashınasyn ustady, dep habarlady QR UQK ShQ baspasóz qyzmeti.
Qostanaı shekara otrıadyna qarasty «Qaıraq-avto» baqylaý-ótkizý beketiniń shekarashylary «KamAZ» júk kóligimen 19 tonna metaldy zańsyz jolmen shekara asyrmaq bolǵan 33 jastaǵy Qazaqstan azamatyn qolǵa túsirdi.
Sondaı-aq Petropavl shekara otrıadyna qarasty «Jańajol» baqylaý-ótkizý beketiniń shekarashylary tirkemesi bar «MAZ» júk kóligimen 17 tonna metall ótkizýge tyrysqan 50 jastaǵy qazaqstandyqtyń jolyn kesti.
Ustalǵandar Qazaqstannan Reseıge bara jatqan.
Atalǵan derek boıynsha quqyqqorǵaý organdary habarlandyryldy.
