Reseıge 23 tonna janar-jaǵarmaıdy áketpek bolǵandardyń joly kesildi

ASTANA. QazAqparat - Qazaqstandyq shekarashylar 23 tonna janar-jaǵarmaıdy shekaradan zańsyz ótkizbek bolǵandardyń jolyn kesti, dep habarlady QR UQK Shekara qyzmetinen.

Pavlodar shekara otrıadyna qarasty «Sharbaqty-avto» ótkizý-baqylaý beketiniń baqylaýshylary elimizden Reseıge 23 tonna mazýtty ótkizbek bolǵan sol eldiń eki azamatyn ustady.

«KamAZ» avtokóligine tıelgen júkti atalǵan azamattar ilestirme qujattarsyz shekaradan ótkizýge tyrysty. Atalǵan derek boıynsha quqyqqorǵaý organdary habarlandyryldy. Qazirgi ýaqytta mazýtqa baılanysty QR Qylmystyq kodeksiniń 183-1 baby boıynsha qylmystyq is qozǵalýy múmkin.