Reseıge 11 myń maska alyp ótpek bolǵan azamat ustaldy – Qostanaı oblysy
QOSTANAI. QazAqparat – Ulttyq Qaýipsizdik komıteti oblystyq departamentiniń qyzmetkerleri Reseı Federatsııasyna medıtsınalyq maska ótkizbek bolǵan kólik júrgizýshisin qolǵa túsirdi, dep habarlaıdy QazAqparat.
Oqıǵa 21 sáýir kúni QR Ulttyq Qaýipsizdik komıtteti Qostanaı oblysy boıynsha departamentine qarasty «Qaıraq» shekara bóliminde bolǵan. Shekaranyń baqylaý bólimi bastyǵy Ómirbek Qýatovtyń aıtýynsha, kúdikti ıis sezgish ıttiń kómegimen ustaldy.
«Kúndelikti áskerı qyzmet barysynda zań buzýshylyq áreketiniń beti ashyldy. Elimizdegi tótenshe jaǵdaıǵa qaramastan shekaradan zańsyz medıtsınalyq maskany alyp ótpek bolǵan azamat ustaldy. Memlekettik nómiri V844 EÝO «Mersedes» markaly júk kóligi «Almaty-Ekaterınbýrg» baǵytynda jolǵa shyqqan. «Qaıraq» shekara qyzmetkerleri ıis sezgish ıtterdiń kómegimen onyń 11500 dana maskany zańsyz alyp ótpek bolǵanyn anyqtady. Shyǵyn kólemi 1357000 teńgeni quraıdy», - dedi Ómirbek Qýatov.
Qazirgi ýaqytta osy derek boıynsha tergeý sharalary júrgizilýde. Tárkilengen medıtsınalyq maska Ekonomıkalyq baqylaý basqarmasyna jóneltildi.
