Reseıǵarysh basshysy Anatolıı Permınov jumysynan bosady
ASTANA. 29 sáýir. QazAqparat - Federaldyq ǵarysh agenttiginiń basshysy Anatolıı Permınov atqaryp otyrǵan laýzymynan bosady, dep habarlaıdy "Lenta.rý" agenttigi.
Reseıǵaryshtyń jańa basshysy bolyp jaqynda ǵana Qorǵanys mınıstriniń birinshi orynbasarlyǵynan bosaǵan Vladımır Popovkın taǵaıyndaldy.
Bıyl 65 jasqa tolatyn Permınov Reseıǵarysh basshylyǵyna 2004 jyldyń naýryzynda kelgen bolatyn. Permınovtiń jumysynan ketetini týraly áńgime baspasózde jıi aıtylyp júrdi. Bul áńgime 2010 jyldyń 5 jeltoqsanynda "Glonass-M" úsh zymyrany qatarynan apatqa ushyraǵannan keıin tipti órship ketti.
2011 jyldyń naýryzynda óziniń jumystan bosatylatyny týraly sybys jaıynda suraǵanda Permınov bylaı dedi: "Meniń basshylarym bar. Meniń qaı kezde jumys aýystyratynymdy solar aıtady".
