Reseıdiń Tambov oblysynda kópqabatty úıde gaz jarylyp, eki adam qaza tapty

ASTANA.KAZINFORM – Reseıdiń Tambov oblysynda kópqabatty úıde gaz jarylyp, eki adam qaza tapty. Turǵyndar evakýatsııalanyp, órtti oqshaýlaý jumystary júrgizildi, dep jazady TASS. 

«Búgin Kırsanovsk mýnıtsıpaldy okrýgindegi Kırsanov qalasy, Kommýnıstıcheskaıa kóshesi, 29 mekenjaıynda ornalasqan kópqabatty turǵyn úıde turmystyq gaz jaryldy. Jarylys tórtinshi qabatta boldy. Biz oqıǵa ornyna barlyq qajetti qyzmetterdi jedel jetkizdik, órt 05:41-de tolyq sóndirildi», - delingen aımaq basshysy Maksım Egorovtyń Telegram-kanalyndaǵy jazbasynda.

Egorov segiz adam medıtsınalyq mekemege jetkizilgenin, beseýi aýrýhanaǵa jatqyzýdan bas tartqanyn aıtty.

Aımaq basshysy oqıǵa ornynda barlyq qajetti qyzmetter jumys istep, turǵyndarǵa tıisti kómek kórsetilip jatqanyn málimdedi. 

Keıin Tótenshe jaǵdaılar mınıstrligi órttiń 150 sharshy metr aýmaqta bolǵanyn habarlady.

«Kommýnıstıcheskaıa kóshesindegi turǵyn úıdiń 4 jáne 5-shi qabattary zardap shekti», - delingen habarlamada.

Oqıǵa ornynda 34 maman men 18 tehnıka jumys istedi.

Kópqabatty úıdegi turmystyq gaz jarylysynan keıin tártip saqshylary gaz jabdyǵyn paıdalanýda zańdylyqtyń saqtalýyna tekserý uıymdastyrdy.