Reseıdiń Rostov oblysynda ızolıatorda otyrǵandar eki qyzmetkerdi kepildikke aldy
ASTANA. KAZINFORM – Reseıdiń Rostov oblysyndaǵy tergeý ıolıatorlarynyń birinde otyrǵan kúdiktiler mekemeniń eki qyzmetkerin kepildikke aldy. Bul týraly Reseıdiń Jazany oryndaý federaldyq qyzmeti memlekettik mekemesiniń óńirlik ókildigi málim etti, dep habarlaıdy reseılik TASS.
Reseıdiń Rostov oblysyndaǵy birinshi tergeý ızolıatorlaryndaǵy kameralardyń birinde otyrǵandar qylmystyq atqarý júıesiniń eki qyzmetkerin kepildikke aldy. Oqıǵa ornynda Rostov oblysy prokýrorynyń mindetin atqarýshy Aleksandr Gatsko, Rostov oblysy prokýrorynyń orynbasary Sergeı Kapıtonov jáne qylmystyq jazanyń oryndalýyn qadaǵalaý jónindegi bólim bastyǵynyń mindetin atqarýshy Borıs Mostovoı jumys istep jatyr.
Mekeme shtattyq rejımdi jumys istep tur.
Baspasóz qyzmetiniń habarlaýynsha, jaǵdaı baqylaýda, kepildiktegi adamdardy bosatý boıynsha kelissizder júrip jatyr.
Quqyq qorǵaý qyzmeti ókilderiniń habarlaýynsha, qamaýda otyrǵandar pyshaqpen qarýlanǵan. Aldyn ala málimetter boıynsha, sottalǵandardyń biri Jazany oryndaý federaldyq qyzmeti memlekettik mekemesiniń qyzmetkeriniń qolyna kisen salǵan.
«Olar ızolıatordyń ishki aýlasynda jáne olarda rezińke shoqpar men órtpen kúreske arnalǵan balta bar»,-dedi derekóz.
«Olar 6 adam bolýy múmkin. Barlyǵy terrorıstik akt boıynsha aıyptalyp otyrǵandar. Keıbiri sottalǵan, keıbiriniń soty áli júrip jatyr»,-dedi quqyq qorǵaý ogany qyzmetkerleri.
