Reseıdiń Ortalyq saılaý komıssııasy Pýtındi prezıdenttik saılaýǵa kandıdat retinde tirkedi

RESEI. KAZINORM - Reseı Federatsııasynyń Ortalyq saılaý komıssııasy (OSK) RF prezıdenttigine ózin-ózi usynǵan kandıdat, qazirgi memleket basshysy Vladımır Pýtındi tirkedi. Bul týraly TASS aqparat agenttigi jazdy. 

Pýtın prezıdenttik saılaýda tirkelgen tórtinshi kandıdat boldy. Buǵan deıin OSK úsh parlamenttik partııanyń ókilderi – Leonıd Slýtskıı (LDPR), Vladıslav Davankov («Novye lıýdı») jáne Nıkolaı Harıtonovty (KPRF) tirkegen bolatyn.

Pýtın úshin aldaǵy saılaý saıası mansabyndaǵy besinshi saılaý bolady, oǵan deıin ol tórt ret memleket basshysy bolyp saılanǵan (2000, 2004, 2012, 2018). Eń jaqsy nátıje 2018 jyly kórsetildi, ol kezde Pýtın saılaýshylardyń 76,69% daýysyn jınady.