Reseıdiń Krasnodar qalasynda 4,5 magnıtýdalyq jer silkinisi boldy
KRASNODAR. TASS – KAZINFORM - Reseıdiń Krasnodar qalasynan 29 km qashyqtyqta jer silkindi, dep habarlaıdy reseılik TASS agenttigi.
Jerasty dúmpýin Eýropa-Jerorta teńizi seısmologııalyq ortalyǵy tirkegen.
24 qańtar kúni turǵyndar áleýmettik jelilerdiń jergilikti qoǵamdastyqtarynda jerasty dúmpýin sezgenderin habarlaǵan. Turǵyndardyń keıbiri bólmede jıhazdar men ózge de zattar qımyldaǵanyn jazǵan.
Eýropa-Jerorta teńizi seısmologııalyq ortalyǵynyń saıtynda 4,5 magnıtýdalyq jer silkinisiniń jergilikti ýaqyt boıynsha saǵat 14:19 kezinde, Krasnodardan 29 km qashyqtyqta, 10 metr tereńdikte bolǵany aıtylǵan.
RF Tótenshe jaǵdaılar mınıstrliginiń Karsnodar ólkesi boıynsha memlekettik mekemesiniń málimetteri boıynsha, jıiligi 4 ball bolatyn jerasty dúmpýi Krasnodar qalasy, Gorıachıı klıých jáne Severskoı aýdanynda sezilgen.
Reseıdiń Tótenshe jaǵdaılar mınıstrligi qazirgi tańda ǵımarattarǵa zaqym kelgen-kelmegenin tekserip jatyr. Osy ýaqytta tirshilikke qajetti ınfraqurylymdar shtatty rejımde jumys istep tur.
