Reseıdiń búkil aýmaǵynda mıgranttardy baqylaýdyń jańa júıesi engiziledi
MÁSKEÝ. KAZINFORM — Reseıde Máskeý men Máskeý oblysynda qoldanystaǵy «Amına» júıesine uqsas mıgranttardyń elge kirýi men júrip-turýyn bıometrııalyq baqylaý júıesin búkil el aýmaǵynda engizý josparlanyp otyr. Bul týraly RF Qaýipsizdik keńesi tóraǵasynyń orynbasary Dmıtrıı Medvedev málimdedi, dep habarlaıdy agenttik tilshisi «Vedomostı» basylymyna silteme jasap.
— Dál osyndaı tásildi engizýdi josparlap otyrmyz. Máskeý jańa júıeni qoldanýdyń úlken synaq alańyna aınalyp, aıtarlyqtaı tájirıbe jınaqtady, — dedi Medvedev suhbatynda.
«Amına» servısi Reseıge jumys isteý úshin keletin vızasyz elderdiń azamattaryn tsıfrlyq baqylaý jáne mıgratsııalyq esepke alý úshin qoldanylady. Eksperıment aıasynda júıe mıgranttyń tsıfrlyq beıinin qalyptastyrady, geolokatsııa derekterin ІІM-ge jiberedi, turǵylyqty jeri týraly qashyqtan habarlaýǵa múmkindik beredi jáne naqty ornalasqan jeriniń málimdelgen mekenjaıǵa sáıkestigin avtomatty túrde tekseredi.
Medvedevtiń aıtýynsha, aldaǵy ýaqytta Reseıdegi búkil mıgratsııalyq esepke alý júıesi elektrondy formatqa kóshýi múmkin. Alaıda ol ázirie barlyq óńirde qajetti tehnıkalyq múmkindik, sonyń ishinde keń jolaqty ınternet pen mobıldi baılanys joq ekenin aıtty.
RF Qaýipsizdik keńesi tóraǵasynyń orynbasary tsıfrlyq júıeni qoldanýǵa baılanysty táýekelderdi de eskerý qajet ekenin aıtty. Atap aıtqanda, onyń sózinshe, júıeni zııandy baǵdarlamalardan qorǵaýdy qamtamasyz etý qajet.
Buǵan deıin Qazaqstandaǵy kóshi-qon ósimi jarty jylda 5,7 myń adam bolǵanyn týraly jazǵanbyz.
