Reseıdiń birneshe qalasynda qazaq mektebi ashylýy múmkin

ASTANA. KAZINFORM – Reseı Federatsııasynyń birneshe qalasynda qazaq mektebin ashý máselesi ekijaqty talqylanyp jatyr. Bul týraly Oqý-aǵartý mınıstri Ǵanı Beısembaev málim etti. 

«Iá, bul másele talqylanyp jatyr, úsh aımaq qarastyrylyp otyr Astrahan, Orynbor jáne Omby nemese Tomby naqty esimde joq. Qazaq dıasporasy shoǵyrlanǵan aımaqtarda qazaq mektebin ashý múmkindigi qaralyp jatyr. Jumysty reseılik áriptesterimizben birlesip júrgizemiz», - dedi Ǵanı Beısembaev Májilis otyrysy barysynda BAQ ókilderiniń saýalyna jaýap bere turyp.

Osylaısha, mınıstr Reseıde qazaq mektebin ashý usynysy qoldaý tapqanyn rastady. 

«Buǵan deıin Reseıdiń elimizdiń ońtústiginde mektep salý jospary týraly aıtylǵan edi. Bul da talqylanyp jatyr, jeltoqsanda naqty sheshim qabyldanady», - dep tolyqtyrdy vedomstvo basshysy. 

Eske salsaq, Qazaqstan Prezıdenti Qasym-Jomart Toqaev «Izvestııa» gazetine jarııalanǵan maqalasynda Reseı qalalarynda Qazaqstan mektepteri ashylatynyna senetinin aıtqan edi. Sondaı-aq Ombyda ál-Farabı atyndaǵy Qazaq ulttyq ýnıversıtetiniń ókildigin ashý jospary jaıly habarlaǵan bolatynbyz. 

Aıta keteıik, buǵan deıin Vladımır Pýtınniń Qazaqstan men Reseı yntymaqtastyǵy týraly maqalasy jarııalandy.