Reseıdiń Astrahan oblysymen shekaradaǵy qamys órtiniń ıisi Atyraýǵa jetti

ATYRAÝ. KAZINFORM – Atyraý oblysy Reseıdiń Astrahan oblysymen shekarada qamys janyp jatyr. Búgin tańerteń Atyraý qalasynda tútin ıisi sezildi.

Atyraý oblystyq tótenshe jaǵdaılar departamentiniń málimetinshe, tańǵy saǵat 4:00 shamasynda órttiń oshaǵyn izdeý bastalǵan. 

Al, Reseı Federatsııasy Tótenshe jaǵdaılar mınıstrliginiń Astrahan oblystyq basqarmasy Atyraý oblysyndaǵy Qurmanǵazy aýdanymen shekarada qurǵaq qamystyń janǵanyn habarlady. Qamys órti 3 kúnnen beri janyp jatyr. 

«Tútinniń ıisi Astrahan oblysynyń Volodar, Narımanov, Krasnoıar, Lımanskıı, Kamyzıak, Prıvoljskıı jáne Irkıanskıı aýdandarynda sezilip tur», - dep habarlady Astrahan oblysynyń qutqarýshylary.

Reseıdegi BAQ ókilderi Qazaqstan tarapynan órt bolýy múmkin ekenin habarlanbaǵanyn jazyp jatyr. 

Eske sala ketelik, budan buryn Reseıdiń Astrahan oblysynda janǵan qamystyń jaǵymsyz ıisi Atyraýda sezilgenin habarlaǵan bolatynbyz.