Reseıdiń arnaıy ókili Dmıtrıev Ýıtkoff jáne Kýshnermen kezdesti

ASTANA. KAZINFORM — Reseı prezıdentiniń arnaıy ókili Kırıll Dmıtrıev Parıjde AQSh prezıdenti Donald Tramptyń arnaıy elshisi Stıven Ýıtkoff jáne Tramptyń kúıeýbalasy Djared Kýshnermen kezdesý ótkizdi, dep habarlaıdy BBC.

Axios basylymynyń derekterine sáıkes, kezdesý barysynda «AQSh-tyń Ýkraınaǵa arnalǵan beıbitshilik jospary» talqylanǵan.

Osy aptada Parıjde «nıettiler koalıtsııasynyń» sammıti ótti – bul top Ýkraınany qoldaý úshin óz áskerlerin jiberýge daıyn elderdi biriktiredi. Sammıtke Ýkraına prezıdenti Vladımır Zelenskıı de qatysty.

Axios basylymy óz materıalynda Pýtınniń jarııalaǵan sózderinde AQSh pen Ýkraına júrgizip jatqan kelissózderdegi sharttardy qabyldaýǵa nemese tipti muqııat qaraýǵa ázir ekendigine eshqandaı belgi joq ekenin jazǵan.

Beısenbi kúni Zelenskıı sondaı-aq Parıjde júrgen ýkraın delegatsııasy Ýkraına men AQSh arasyndaǵy qaýipsizdik kepildikteri týraly kelisimdi eń joǵarǵy deńgeıde qol qoıýǵa daıyndaǵanyn málimdedi.

Eske salsaq, 3 jeltoqsanda Kremlde Reseı prezıdenti Vladımır Pýtın men AQSh prezıdentiniń arnaıy ókili Stıven Ýıtkoff arasynda bes saǵatqa sozylǵan kezdesý ótti. Kelissózder Ýkraınadaǵy jaǵdaıdy retteýge arnaldy.