Reseıdiń 76 sýbektisi Qazaqstanda tıisti aýmaqtarmen tikeleı qatynasta – Vladımır Pýtın

ASTANA. KAZINFORM – Reseı Federatsııasynyń 76 sýbektisi Qazaqstandaǵy tıisti aýmaqtarmen tikeleı qarym-qatynasta. Bul týraly Reseı prezıdenti iri halyqaralyq aqparattyq agenttikterdiń basshylarymen kezdesý barysynda málim etti.

Onyń pikirinshe, mundaı ózara árekettesý tıimdirek. 

«Bizde úlken ortaq shekara bar. Adamdar bir-birimen aralasady. Reseı Federatsııasynyń 76 sýbektisi Qazaqstandaǵy tıisti aýmaqtarmen tikeleı qarym-qatynasta, tikeleı baılanysta. Aıtpaqshy, olar tıimdirek shyǵar, jaqsy jumys isteıdi, óıtkeni adamdar bir-birimen tikeleı baılanysady, bir-birin biledi, bir-birine senedi», - dep atap ótti Vladımır Pýtın. 

Buǵan deıin habarlaǵanymyzdaı, Reseı Federatsııasynyń prezıdenti Vladımır Pýtın Peterbýrg halyqaralyq ekonomıkalyq forýmy (PMEF) aıasynda iri halyqaralyq aqparattyq agenttikterdiń basshylarymen kezdesti.