Reseıdiń 76 óńiri Qazaqstan oblystarymen tikeleı áriptestik baılanys ornatty - Vladımır Pýtın
Reseıdiń 76 óńiri Qazaqstan oblystarymen tikeleı áriptestik baılanys ornatty. Bul týraly Bul týraly Qostanaıda ótip jatqan Qazaqstan men Reseıdiń XIX Óńiraralyq yntymaqtastyq forýmynda Reseı Federatsııasynyń Prezıdenti Vladımır Pýtın aıtty, dep habarlaıdy kazinform.
«Bul kúnderi Qostanaıda eki eldiń 30-dan astam óńiriniń ókilderi - bılik organdarynyń basshylary, zań shyǵarýshylar, mınıstrlikter men vedomstvolardyń, bıznestiń, ǵylymı jáne qoǵamdyq toptardyń ókilderi jınaldy. ıAǵnı, bizdiń qarym-qatynastarymyzdyń barlyq kesheninde - saıasatta, ekonomıkada, gýmanıtarlyq salada damýdyń praktıkalyq aspektilerimen kúndelikti aınalysatyndar», - dedi Reseı Prezıdenti.
Ol Qazaqstan Prezıdentiniń belsendi jáne bastamashyl jumysynyń arqasynda eki eldiń óńirler jelisi boıynsha yntymaqtastyq tereńdeı túsip, naqty mazmunmen tolyqtyrylatynyn aıtty.
«Qazirgi ýaqytta Reseı Federatsııasynyń 76 óńiri Qazaqstan oblystarymen tikeleı áriptestik baılanys ornatty. Óńiraralyq saparlarmen almasý turaqty sıpatqa ıe bolýy da mańyzdy. Bıyl, atap aıtqanda, ıAkýtııa, Astrahan, Chelıabi oblystarynyń basshylary Qazaqstannyń ártúrli aımaqtaryna óte nátıjeli jumys saparlaryn ótkizdi. Qazaqstandyq ókildi delegatsııalar Krasnoıarsk ekonomıkalyq forýmyna jáne Býrıatııanyń 100 jyldyǵyna arnalǵan is-sharalarǵa qatysty», - dedi Vladımır Pýtın.
Reseı Prezıdentiniń aıtýynsha, aımaqtyq ózara is-qımyldyń nátıjeli sharttyq-quqyqtyq bazasy únemi damyp, tolyqtyrylyp otyrady. Onyń ishinde eki eldiń úkimetteri arasynda 60-tan astam kelisim bar.
«Meniń bilýimshe, osy forýmnyń qorytyndysy boıynsha qol qoıýǵa birqatar jańa kelisim men memorandýmdar, sondaı-aq jalpy somasy 100 mıllıon dollarǵa jýyq kommertsııalyq kelisimsharttar daıyndaldy. Bul Reseı-Qazaqstan ekonomıkalyq baılanystarynyń qalaı tabysty damyp kele jatqanyn aıqyn kórsetedi. Osyǵan baılanysty óńirlerdiń tikeleı belsendi qatysýymen Qazaqstanmen ózara taýar aınalymymyz 2022 jyly 10 paıyzdan astamǵa ulǵaıǵanyn atap ótkim keledi. Bizdiń statıstıka boıynsha – 28,2 mlrd dollar», - dedi ol.
