Reseıdiń Zabaıkal ólkesinde Sý-25 ushaǵy apatqa ushyrady
ASTANA. Tamyzdyń 6-sy. QazAqparat - Reseıdiń Zabaıkal ólkesinde josparly ushý sapary kezinde Step aerodromynan 60 shaqyrymdaı jerde Sý-25 ÝB ushaǵy apatqa ushyrady.
Bul týraly RF Qorǵanys mınıstrliginiń baspasóz qyzmeti jáne aqparat basqarmasynyń resmı ókili V.Drık habarlady.
Qorǵanys mınıstrliginiń málimeti boıynsha, ushaq ekıpajy katapýlt jasap úlgergen, olardyń jaǵdaıy qanaǵattanarlyq dep baǵalanyp otyr.
«Ushaq pen ushqyshtardy Mı-8 tikushaǵymen shyqqan qutqarýshy ekıpaj tapty. Oqıǵa ornyna jerdegi qutqarýshylar qyzmeti attandy», dep habarlady áskerı vedomstvodan.
Apat saldarynan jer betinde eshqandaı qıraýdyń bolmaǵany habarlanyp otyr. Oqıǵanyń mán-jaıyn tekserý úshin komıssııa quryldy.
