Reseıdiń ıAroslav oblysynda qulaǵan shaǵyn ushaqtan ıttiń múrdesi tabyldy

ASTANA. QazAqparat - Senbi kúni Reseıdiń ıAroslav oblysynda apatqa ushyraǵan jeńil motorly ushaqtan ıttiki dep boljanyp otyrǵan janýardyń múrdesi tabyldy, dep habarlaıdy TASS.

"Ushaqtyń apatqa ushyraǵan ornynan qaza tapqandardyń denelerimen birge kishkentaı ıttiń kúıip ketken múrdesi tabyldy, ol ushaq kabınasynda bolǵan dep boljanýda", - dedi Reseı ІІM basqarmasynyń baspasóz qyzmetinde.

Aıta keteıik, 13 maýsymda jeńil motorly ushaq ıAroslav oblysynyń Pýrlevo derevnıasynyń mańynda apatqa ushyraǵan. Ol qulaǵan bette janyp ketken, saldarynan ushaq ushqyshy jáne jolaýshysy dep shamalanyp otyrǵan eki er adam qaza tapty. Oqıǵa boıynsha tergeýaldy tekserý bastaldy, ushaqtyń qulaý sebepteri ázir anyqtalǵan joq.