Reseıdiń Tver oblysynda qarttar úıi órtenip ketti: 9 adam qaza boldy
ASTANA. Tamyzdyń 30-y. QazAqparat - Reseıdiń Tver oblysynda qarttar úıinde bolǵan órt kezinde 9 adam qaza boldy. Bul týraly RF Tótenshe jaǵdaılar mınıstrliginiń Ortalyq óńirlik ortalyǵynan habarlady.
Órt oqıǵasy saldarynan bir adam zardap shekken, ol aýyr jaǵdaıda aýrýhanada jatyr, dep habarlaıdy RBK agenttigi.
Vyshnıı Volochek qalasyndaǵy qarttar úıiniń órtenip jatqany týraly habar tótenshe jaǵdaılar qyzmetine saǵat 05.05-te túsken (máskeý ýaqyty boıynsha). Saǵat 05.30-da órt aýyzdyqtalyp, 480 adam qaýipsiz jerge kóshirilgen. Qazir órttiń shyǵý sebebi anyqtalýda.
