Reseıdiń toǵyz óńirinde 560 eldi meken jaryqsyz qalyp otyr
ASTANA. QazAqparat - Reseıdiń alty óńirinde alapat daýyldan keıin elektrmen qamtamasyz etý qalpyna keltirildi, biraq áli 9 óńirde turǵyndar jaryqsyz otyr.
Bul týraly RF TJM baspasóz qyzmeti silteme jasap TASS habarlaıdy.
«Reseıdiń 9 sýbektisindegi 560 eldi meken elektr jaryǵynsyz otyr. Táýlik ishinde alty sýbektidegi 813 eldi mekendi elektrmen qamtamasyz etý qalpyna keltirildi», - dep málimdegen vedomstvo ókilderi.
Eske sala keteıik, tabıǵattyń tosyn minezinen Reseıdiń 19 óńiri zardap shekti. Alapat daýyl 120 turǵyn úıdiń jáne áleýmettik mańyzy bar 30 nysannyń tóbesin ushyryp, 90 avtokólikke zaqym keltirdi.
Apat saldaryn joıýǵa 3,5 myń adam, 1,1 myń tehnıka jumyldyrylǵan.
