Reseıdiń tanymal ánshisi Elena Vorobeı qazaq tilinde án shyrqady
ASTANA. QazAqparat - Reseıdiń tanymal ánshisi, aktrısa, ıýmorıst Elena Vorobeı elordada ótken «Baýyrjan FEST» ázil festıvalinde ázil ónerindegi áriptesterimen qosylyp, «Astana» ánin qazaq tilinde oryndady, dep habarlaıdy QazAqparat tilshisi.
Aıta ketsek, І Halyqaralyq «Baýyrjan FEST» ázil festıvali Qazaqstan Respýblıkasynyń Mádenıet jáne sport mınıstrliginiń qoldaýymen búgin Astanada ótkizildi. Ázilmen kóptiń kóńilin kótergen kontsert aldynda kórermenderdi Mádenıet jáne sport mınıstri Arystanbek Muhamedıuly jáne joba avtory QR Eńbek sińirgen ártisi Baýyrjan Ibragımov 1 mamyr - Birlik kúnimen quttyqtady.
«Osyndaı aýqymdy sharany uıymdastyryp otyrǵan áıgili azamatymyz Baýyrjan Ibragımovke myń da bir alǵysymyzdy aıtqymyz keledi. Búgin dostaryn shaqyryp, bárimizge ádemi ázil keshin syılap otyr. Keleshekte osyndaı merekeli keshter kóp bolsyn», - dedi sóılegen sózinde Arystanbek Muhamedıuly.
Budan keıin ázildiń shymyldyǵy ashylyp, «TTT» ázil teatrynyń estrada ártisteri (Qazaqstan), Máskeýdegi «Krıvoe zerkalo» ázil teatrynyń ónerpazy Karen Avanesıan (Armenııa), «Eki ezý» ázil teatrynyń ártisteri (Qazaqstan), reseılik áıgili parodııashy Andreı Barınov, jas daryndy ázilkesh Oqan Akıma (QHR), Dý-dý dýeti (Qazaqstan), daǵystandyq ázilkesh ıÝsýp Omarov, «Shanshar» teatrynyń estrada ártisteri (Qazaqstan), estrada juldyzdary Kýmondor Abylov (Qyrǵyzstan) jáne Júsip Aqshora (Qazaqstan), ýkraınalyq Vladımır Danılets pen Vladımır Moıseenko, «Baýyrjan shoý» teatrynyń ártisteri, Reseıdiń eńbek sińirgen ártisi Elena Vorobeı kórermendi kúlkige qaryq qyldy.
Qaıtalanbas keshke QR Syrtqy ister mınıstri Qaırat Ábdirahmanov, QR eńbek sińirgen qaıratkeri Kópen Ámirbek, professor, akademık Búrkit Aıaǵan, «Habar» Agenttigi» AQ Basqarma tóraǵasynyń orynbasary Rınat Kertaev, Ǵabıt Músirepov atyndagy Jastar teatrynyń dırektory Sábıt Ábdyhalyqov qonaq retinde qatysty.
Aıta ketsek, І Halyqaralyq «Baýyrjan FEST» ázil festıvali erteń Almaty qalasynda ótkiziledi.
