Reseıdiń Taganrog qalasy mańynda jeti qurylysshy ýlanyp, qaza tapty

ROSTOV-NA-DONÝ. TASS-QazAqparat – Rostov oblysy Neklınovskıı aýdany Dmıtrıadovka aýylynda tazartý qurylǵylarynda jumys júrgizý barysynda jeti jumysker qaıtys boldy, dep habarlaıdy QazAqparat TASS agenttigine silteme jasap.

«Barlyǵy toǵyz adam bolǵan, olardyń jeteýi qaıtys boldy», - dedi agenttikke suhbat berýshi.

Ol qutqarýshylardyń qalǵan eki jumyskerdi izdestirip jatqanyn aıtty.

Taganrog aýrýhanasyna bes adam jetkizildi.

«Barlyq zardap shekkender Taganrog qalasynyń jedel járdem qyzmetimen aýrýhanaǵa jetkizildi, barlyǵyna kómek kórsetildi. Qazirgi kezde bes adam aýrýhanada jatyr», - dep qosty Rostov oblysynyń densaýlyq saqtaý mınıstri ıÝrıı Kobzev.

Taganrog meri Andeı Lısıtskııdiń naqtylaýynsha, zardap shekkenderdiń jaǵdaıy túrli dárejede dep baǵalanǵan, sonymen qaza tapqandardyń naqty sany belgisiz. Sebebi oqıǵa bolǵan qudyq tolyp ketken.

Óz jaǵynan Tótenshejaǵdaılar mınıstrliginiń bas basqarmasynyń óńir boıynsha bólimshesi jýrnalısterge Dmıtrıadovka aýylynda jumysshylardy ýlandyrý týraly aqparat alǵanyn málimdedi.

«Oqıǵa ornynda gaz-tútininen qorǵaý qyzmeti jumys istep jatyr. Aqparat tekserilýde», - delingen habarlamada.

Taganrog sý arnasynyń dereginshe, jumysshylardyń qaıtys bolý sebebi – metannyń atqylaýy. Óńirdiń jedel qyzmeti metannyń atqylaýy turǵyn úılerge qaýip keltirmeıtinin aıtady.