Reseıdiń Syrtqy ister mınıstri Sergeı Lavrovqa «Barys» ordeni tabys etildi
NUR-SULTAN. QazAqparat – Reseıdiń Syrtqy ister mınıstri Sergeı Lavrovqa І dárejeli «Barys» ordeni tabys etildi, dep habarlaıdy QazAqparat QR SІM baspasóz qyzmetine silteme jasap.
«RF Syrtqy ister mınıstrliginde ótken TMD elderiniń Tótenshe jáne Ókiletti Elshileriniń jyl saıynǵy dástúrli kezdesýi aıasynda Qazaqstan Respýblıkasy basshylyǵynyń tapsyrmasy boıynsha Elshi Ermek Kósherbaev Reseıdiń Syrtqy ister mınıstri Sergeı Lavrovqa QR memlekettik nagradasy І dárejeli «Barys» ordenin tabys etti.
S. Lavrovty elimizdiń joǵary memlekettik nagradasymen marapattaý onyń Qazaqstan men Reseı arasyndaǵy kópjaqty yntymaqtastyq pen strategııalyq áriptestikti damytýǵa qosqan eleýli úlesin baǵalaý bolyp tabylady», delingen habarlamada.
