Reseıdiń syrtqy ister mınıstri Kım Chen Ynmen kezdesti
SEÝL. QazAqparat - Beısenbi kúni Soltústik Koreıa lıderi Kım Chen Yn Reseı Federatsııasy SІM basshysy Sergeı Lavrovty qabyldady, dep habarlaıdy Renhap agenttigi.
Kezdesýde Lavrov Kım Chen Ynǵa Reseı prezıdenti Vladımır Pýtınniń Koreı túbegindegi jaǵdaıdy dıplomatııalyq retteýge úmit artqan hatyn bergen.
TASS agenttiginiń habarlaýynsha, Lavrov Soltústik Koreıa lıderin Reseıge shaqyrǵan. Aıta ketý kerek, ol Reseıdiń sońǵy toǵyz jylda alǵash ret Soltústik Koreıaǵa kelgen syrtqy ister mınıstri boldy.
Reseı SІM basshysy Soltústik Koreıa men Ońtústik Koreıa arasyndaǵy qarym-qatynastardyń jandana túskenine, sondaı-aq AQSh-pen tarıhı sammıt ótkizý ıdeıasyna qýanyshty ekenin aıtty.
Sapar aıasynda Lavrov Soltústik Koreıanyń negizin qalaýshy Kım Ir Sen jáne qazirgi lıderdiń ákesi Kım Chen Irge qurmet bildirip, olardyń Mansý Hıll aýdanyndaǵy eskertkishterine gúl shoqtaryn qoıdy.
