Reseıdiń sońǵy taq muragerine Frantsııa premer-mınıstri syılaǵan tarıhı oıynshyq kórmege qoıyldy
ASTANA. QazAqparat - Reseı ımperııasynyń sońǵy patshasy Nıkolaı ІІ uly, taq murageri Alekseıdiń XIX ǵasyrdyń aıaǵy men HH ǵasyrdyń basynda jasalǵan óte sırek kezdesetin qýyrshaq teatry Obraztsov atyndaǵy Ortalyq qýyrshaqtar teatrynyń murajaıyna qoıyldy, dep habarlady RIA Novostı.
Kórme 17 aqpanda ashylyp, 10 naýryzǵa deıin jalǵasady.
Obraztsov teatry murajaıynyń dırektory Gordeı Saltykovtyń aıtýynsha, qýyrshaq teatryn patsha otbasyna 1914 jyly 9 shildede Sankt-Peterborǵa resmı saparmen kelgen Frantsııa Premer-mınıstri Raımon Pýankare syılaǵan bolýy múmkin. Bul kúni Nıkolaı ІІ kúndeligine: «111/2 Pýankare Alıks pen balalarǵa syılyq ákeldi» dep jazǵan. Taǵy bir boljam boıynsha, shaǵyn qýyrshaq teatryn Alekseıge arnap jasaǵan bolýy múmkin. Sebebi, qýyrshaqtar beınesi Nıkolaı ІІ men hanshaıymǵa jáne Raspýtınge uqsaıdy.
