Reseıdiń Saratov oblysynda Naýryz merekesi toılandy

ASTANA. QazAqparat - Reseıdiń Saratov oblysyndaǵy Krasnyı Kýt qalasynda toılanǵan Naýryz meıramyna Prıvoljsk federaldyq okrýgindegi barlyq oblystar men aýdandardan sonymen qatar Batys Qazaqstan jáne Atyraý oblysynan 7 myńǵa jýyq adam jınaldy, dep habarlaıdy QazAqparat Qazaqstannyń RF-daǵy elshiliginiń saıtyna silteme jasap. 

Qonaqtar ulttyq ónerdi tamashalap, sporttyq saıystarǵa qatysty. Merekege arnaıy tigilgen 14 kıiz úıde ulttyq taǵamdar daıyndaldy. Sonymen birge aýyl-sharýashylyǵy jármeńke uıymdastyrylyp, qolóner sheberleriniń kórmesi qonaqtar nazaryna usynyldy.

Saratov oblysynyń gýbernatory Valerıı Radaev óziniń quttyqtaý sózinde Naýryzdyń kóktemdegi jańarý merekesi ekendigine toqtaldy.

«Kóktemde halyqty bir jerge jınap, Naýryz merekesi ulttyń salt-dástúrin jańǵyrtyp jatyr. Biz osy arqyly bir-birimizdi tereńirek tanı túsemiz», - dedi ol.

Reseı qazaqtarynyń federaldyq ulttyq-mádenı avtonomııasynyń prezıdenti Toqtarbaı Dúısenbaev  jınalǵandardy Naýryz merkesimen quttyqtaı kele, Saratov jerinde bıyl tórtinshi márte Naýryz toıy ótip jatqandyǵyn aıtty.

Mereke sońy «Naryz arýy» baıqaýyna ulasty. Naýryz alaýy Krasnyı kýt aýdanynan 2019 jyly kóktem merekesin ótkizetin Rovenskıı aýdanyna saltanatty túrde tapsyryldy.