Reseıdiń Saratov qalasynda jedel járdem qyzmetkerine 5 azamat shabýyldady
ASTANA. QazAqparat - Reseıdiń Saratov qalasynda arnaıy shaqyrtýǵa kelgen jedel járdem qyzmetiniń feldsherine 5 er azamat shabýyldady. Bul týraly TASS agenttigine óńirlik densaýlyq saqtaý qyzmetiniń baspasóz-hatshysy Aleksandar Kolokolov habarlady, dep jazady lenta.ru.
Oqıǵa senbi, 11 aqpan kúni kúndiz boldy. Jedel járdem stantsııasy qyzmetine densaýlyq jaǵdaıy nasharlap jatqan azamatqa kómek qajettigi týraly shaqyrtý túsken.
«Oqıǵa ornyna arnaıy brıgada shyǵyp, páterge 27 jastaǵy feldsher kirgen. Ol páterge kire salasymen artynan esikti jaýyp tastap, 5 er adam feldsherge shabýyldaǵan»,-dep habarlady basylymǵa áńgimelesýshi.
Feldsher buzaqylardyń qolynan sytylyp shyǵyp, jýynatyn bólmeniń esigin ishinen jaýyp úlgergen. Sol jerden uıaly baıylanys arqyly quqyq qorǵaý organynyń qyzmetkerlerine habarlasqan. Shabýyldaýshylar bul mezette jýynatyn bólmege esikti buzyp kirmek bolǵan. Polıtsııa qyzmetkerleri eki er adamdy ustady. Feldsherge psıhologtar kómektesýde.
