Reseıdiń Sahalın oblysynda poıyz júk kóligimen soqtyǵysty
ASTANA. QazAqparat - Sahalınde jolaýshylar kóligi júk kóligimen soqtyǵysty. Kólikte otyrǵan eki adam mert boldy. Bul týraly juma kúni Reseıdiń Sahalın oblysynyń ishki ister salasynyń ókilderi habarlady, dep jazady lenta.ru.
«Shamamen jergilikti ýaqyt boıynsha, saǵat 5-55-te «Ońtústik Sahalınsk-Oha» aýdanynda «Zaozernoe-Pýgachevo» stantsııasynyń aýdanynda jolaýshylar poıyzy artynda tirkeýishi bar aýyr júk kóligimen soǵysty. Aldyn ala málimetter boıynsha, jol-kólik oqıǵasynyń saldarynan kólikte otyrǵan eki adam mert bolǵan»,-delingen habarlamada.
Reseı Tótenshe jaǵdaılar mınıstrliginiń Sahalın oblysy boıynsha, bas basqarmasy poıyzdyń 9 vagonynda 180 adam bolǵandyǵyn, al onyń 17-i balalar ekendigin jetkizdi. Abyroı bolǵanda jolaýshylar poıyzynan eshkim zardap shekpegen.
Aıta keteıik, osyǵan deıin Máskeý mańyndaǵy «146-ı kılometr» stantsııasyna jaqyn jerde temirjol ótkelinde Lada markaly kóligi lokomotıvpen soǵysty. Kólik júrgizýshisi tyıym salynǵan belgige qaramastan ótkelge shyǵyp ketken. Lokomotıv mashınısi toqtaýǵa tyrysqanymen tym kesh boldy. Oqıǵanyń saldarynan kóliktiń ishindegi eki adam mert boldy.
