Reseıdiń Sahalın aralynda gaz jarylyp, 9 adam mert boldy
OŃTÚSTІK-SAHALIN. QazAqparat – Senbi kúni Reseıdiń Sahalın aralynda ornalasqan Tymovskoe aýylyndaǵy jer úıde jarylys boldy, dep habarlaıdy QazAqparat reseılik TASS agenttigine silteme jasap.
Sońǵy málimetter boıynsha, oqıǵanyń saldarynan 9 adam mert boldy. Onyń 4-ýi bala. Taǵy birneshe adam qırandylardyń astynda qalýy múmkin. Aldyn ala málimetter boıynsha jarylysqa gaz balllony sebep bolýy múmkin.
Jaralys saldarynan podezderdiń biri qulap, qutqarýshylar qırandylardy arshyp jatyr. Bul jumysqa 80 adam jáne 20 tehnıka tartylǵan.
Qazirgi tańda kórshi podezdiń qulaý qaýpi bar.
Óńir gýbernatory Valerıı Lımarenkonyń habarlaýynsha, jarylys bolǵan úıde 33 adam turyp jatqan. Olardyń 23-i tiri.
Reseıdiń Bas prokýratýrasy osy oqıǵa boıynsha qozǵalǵan qylmystyq isti óz baqylaýyna aldy.
