Reseıdiń Rostov oblysynda jol apatynan bes adam qaza tapty
ROSTOV-NA-DONÝ. TASS-QazAqparat – Reseıdiń Rostov oblysynda jasóspirim basqarǵan avtokólik jol apatyna ushyrady. Sonyń saldarynan kóliktegi alty adamnyń beseýi qaza tapty. Bul týraly jeksenbi kúni óńirdegi RF ІІM Bas basqarmasy málim etti, dep habarlaıdy QazAqparat reseılik TASS agettigine silteme jasap.
«Aldyn ala málimetter boıynsha kólik quralyn 2007 jyly týǵan kámeletke tolmaǵan jasóspirim basqarǵan. Avtokólikte alty adam bolǵan. Zardap shekken bir adam jansaqtaý bóliminde jatsa, qalǵany kóz jumdy», - delingen vedomstvo habarlamasynda.
Novocherkassk merııasy óz kezeginde zardap shekken balanyń jaǵdaıy ortasha aýyr ekenin aıtty.
Rostov oblysy Jol qozǵalysy qaýipsizdigi memlekettik ınspektsııasy basqarmasynyń úgit-nasıhat bólimi aldyn-ala málimetter boıynsha, qaıtys bolǵandardyń barlyǵy kámeletke tolmaǵan balalar ekenin naqtylady.
«Qazirgi ýaqytta jol-kólik oqıǵasy bolǵan jerde jedel tergeý toby jumys istep jatyr, jol apatyna baılanysty jaǵdaılar men sebepter anyqtalý ústinde», - dedi ınspektsııa ókili.
Jol-kólik oqıǵasy jeksenbide Máskeý ýaqytymen 04:30 shamasynda Novocherkassk qalasynda bolǵan. «Hyundai Accent» markaly avtokóligi Mashınajasaý kóshesindegi №4 úıdiń aýlasyndaǵy aǵashqa soǵylǵan. Kólikte bolǵan adamdardyń kim ekeni anyqtalýda.
Rostov oblysynyń prokýratýrasy jol qozǵalysy qaýipsizdigi týraly zańnamanyń saqtalýyn tekserip jatyr, dep habarlady qadaǵalaý departamentiniń baspasóz qyzmeti. Tekserý barysynda rólde bolǵan kámeletke tolmaǵan balanyń ata-analary men zańdy ókilderiniń is-áreketterine baǵa beriledi, sondaı-aq prokýrorlyq den qoıý sharalary qabyldanady.
