Reseıdiń Prımoresinde sý tasqyny bolyp jatyr

PRIMORЬE. QazAqparat - Prımorege Reseı Tótenshe jaǵdaılar mınıstrligi ortalyq apparatynyń jedel toby jiberildi, mamandar sý tasqynymen kúresý jumystaryn úılestiredi, dep habarlaıdy QazAqparat TASS agenttigine silteme jasap.

Jańbyr saldarynan Prımorede 7 kópqabatty jáne 729 jeke úıdi sý basyp, barlyǵy 65 eldi meken zardap shekti.

Prımoredegi ekinshi úlken qala Ýssýrıısktegi sý tasqyny sońǵy 10 jyldaǵy eń joıqyn jáne aýqymdy boldy, qalanyń 35-40% zardap shekti. Razdolnaıa ózenindegi sý rekordtyq 10 metrge deıin kóterildi, bul «7 jel» shaǵyn aýdanyn qorǵaıtyn, salynyp jatqan bóget deńgeıinen joǵary, sonyń saldarynan turǵyn úıler sý astynda qaldy. Sondaı-aq, sol jerde Máńgilik alaý memorıalyna gaz berý toqtatyldy, qalalyq murajaı evakýatsııalandy.

9-11 tamyz aralyǵynda Prımoreniń ońtústiginde qatty jańbyr jaýdy, 188 mm-ge deıin jaýyn-shashyn tústi. Chýgýevskıı, Hasanskıı, ıAkovlevskıı, Oktıabrskıı, Chernıgovskıı, Lazovskıı, Olgınsk okrýgteri, Ýssýrııskıı jáne Nahodka qalalyq okrýgteri, sondaı-aq Mıhaılovskıı aýdany qatty zardap shekti. Bul ózenderdegi sý deńgeıiniń kóterilýine jáne kóptegen aýmaqtardy sý basýyna sebep boldy. Oblys boıynsha ýaqytsha ornalastyrý ortalyqtarynda 612 adam bar.