Reseıdiń Prımore ólkesinde 34 jastaǵy áıeldi balalarymen órtep jiberdi
ASTANA. QazAqparat - RF Prımore ólkesinde bir otbasynyń tórt adamy órtenip ketti. Tabylǵan múrdeler 34 jastaǵy áıel men onyń 13, 8 jáne 2 jastaǵy úsh balasy ekeni anyqtaldy, dep habarlady «TASS» agenttigi.
Aımaqtyq ІІM-niń baspasóz qyzmetiniń habarlaýynsha, tańerteń Artem qalasy polıtsııasynyń kezekshilik bólimine turǵyn úıdegi órt týraly habarlama kelip túsken. Oqıǵa ornyna polıtsııa qyzmetkerleri, jedel járdem qyzmeti, TJM qutqarýshylary jumyldyrylǵan.
«Órt sóndirilgen soń, úı ıesi bolǵan 34 jastaǵy áıel men 13, 8 jáne 2 jastaǵy úsh balanyń múrdesi tabyldy. 13 jáne 8 jastaǵy balalardyń zorlyqpen óltirilgeni baıqalady», - dep habarlady baspasóz qyzmetiniń ókili.
Kóp uzamaı kúdikti retinde, úıdiń otaǵasy, Artem qalasynyń 35 jastaǵy turǵyny ustaldy. Ol jubaıy men balalaryn óltirgenin moıyndap, qamaýǵa alyndy.
