Reseıdiń Perm ólkesindegi shahtadan toǵyzynshy kenshiniń denesi tabyldy
PERMЬ. QazAqparat -Reseıdiń Perm ólkesinde qutqarýshylar shahtadaǵy órt saldarynan áriptesterimen birge jer astynda qalyp qoıǵan toǵyzynshy jumysshynyń denesin tapty. Bul týraly jýrnalısterge jeksenbi kúni jedel shtaby málimdedi, dep habarlady TASS.
Budan buryn Solıkamsk shahtasyndaǵy apattan qaza bolǵan segiz adamnyń denesi tabylǵany habarlanǵan edi.
«Toǵyzynshy jumysshy aldyńǵy alty adam tabylǵan jerden anyqtaldy», - dedi shtabta. Málim etilgendeı, kenshilerdiń deneleri ázirge jer betine shyǵarylǵan joq.
Shahtada sońǵy órt oshaqtary sóndirilip jatyr.
Eske salaıyq, senbi, 22 jeltoqsan kúni Máskeý ýaqytymen shamamen saǵat 10.04-te «Ýralkalıı» kompanııasynyń Solıkamsk shahtasynda órt shyqty. Barlyǵy kenishte 17 adam jumys istep jatqan. Olardyń segizi jer betine din aman shyǵa aldy.
