Reseıdiń Perm qalasyndaǵy oqıǵadan zardap shekken muǵalim esin jıdy
ASTANA. QazAqparat - Perm qalasyndaǵy mektepte bolǵan oqıǵa barysynda zardap shekken muǵalim esin jıdy. Bul týraly reseılik TASS agenttigine Perm qalasyndaǵy №4 qalalyq aýrýhana habarlaǵan.
«Zardap shekken muǵalim esin jıdy. Onyń jaǵdaıy birqalypty aýyr. Ázirge ol jansaqtaý bóliminde jatyr», - dep málim etti aýrýhana qyzmetkeri.
Sondaı-aq, ol zardap shegýshini basqa emhanaǵa aýystyrý týraly áńgime bolmaǵanyn málim etti. Oǵan barlyq qajetti em-dom kórsetilip jatyr.
Eske sala ketsek, dúısenbi kúni tańerteń Reseıdiń Perm qalasyndaǵy №127 mektepte eki jasóspirim arasynda - oqýshy men mekteptiń burynǵy oqýshysynyń arasynda janjal kezinde atys bolǵan. Qarýly qaqtyǵys kezinde 15 adam zardap shegip, onyń 13-i aýrýhanaǵa jetkizilgen.
Shabýyl jasaýshylar qolǵa túsken. Perm ólkesi boıynsha tergeý bólimi eki nemese odan da kóp adamdy óltirýge oqtalý týraly qylmystyq is qozǵady.
