Reseıdiń Perm qalasyndaǵy oqıǵadan 15 adam zardap shekti
ASTANA. QazAqparat - Reseıdiń Perm qalasyndaǵy №127 mektepte bolǵan oqıǵadan zardap shekkender sany 15 adamǵa jetti, dep habarlaıdy TASS qala ákimshiliginiń baspasóz qyzmetine silteme jasap.
«Qazirgi ýaqytta zardap shekken 15 adam bar, onyń 12-si aýrýhanaǵa jatqyzyldy», - dep jazylǵan habrlamada.
RF ІІM aqparatyna súıensek, jergilikti ýaqytpen saǵat 10:19-da Perm qalasyndaǵy №127 mektepke bertperde kıgen eki adam basa-kóktep kirip oqýshylarmen muǵalimderge şabýyl jasaǵany týraly habarlama túsken. «11:15 tegi jaǵdaı boıynsha mektepte barlyǵy 743 adam bolǵan. Onyń 698-i balalar bolsa, 45-i eresekter. Qazirgi ýaqytta mekteptegilerdiń barlyǵy evakýatsııalandy. Oqıǵa saldarynan toǵyz adam zardap shekti, olardyń ishinde segiz oqýshy jáne bir muǵalim bar», - dep jazylǵan habarlamada.
«Shabýyl jasaǵan eki adamdy ІІM qyzmetkerleri qolǵa túsirdi», - dedi mınıstrlik ókilderi. Perm ólkesindegi tergeý basqarmasy basshysynyń orynbasary Sergeı Sarapýltsev shabýylǵa urynǵandardyń deni tórtinshi synyp oqýshylary ekenin aıtqan.
Al jergilikti densaýlyq saqtaý mınıstrligi habarlaǵandaı, oqıǵadan keıin qalalyq aýrýhanaǵa 12 adam jetkiziligen.
