Reseıdiń Perm qalasynda «Aqsaq at» («Hromaıa loshad») túngi klýbynda bolǵan órt qurbandaryna arnalyp eskertkish ashyldy
ASTANA. 6 jeltoqsan. QazAqparat - Perm qalasynda «Aqsaq at» («Hromaıa loshad») túngi klýbynda bolǵan órt qurbandaryna arnalyp eskertkish ashyldy. Bul týraly qala ákimshiliginde habarlandy. Memorıal Oral eriktileri shaǵyn baǵynyń soltústik-shyǵys bóliginde, buryn «Aqsaq at» klýby turǵan jerge qoıyldy.
Eskertkishtiń ashylýyna júzge jýyq adam qatysty. Kelgender qaza bolǵandardy únsizdik mınýtymen eske alyp, eskertkishke gúl shoqtaryn qoıdy. Perm eparhııasynyń ókilderi din jorasyn ótkizdi.
«Aqsaq attaǵy» órt 2009 jyldyń 4 jeltoqsanynda, klýbtyń ishinde júzdegen adam bolǵanda paıda boldy. Tuńshyqtyrǵysh gazdan ýlaný men kúıý saldarynan 156 adam qaıtys bolyp, ondaǵan adam aýyr ýlanýlarmen aýrýhanaǵa jetkizildi.
