Reseıdiń Perm qalasy mańyndaǵy mektepte oq atyldy

MÁSKEÝ. TASS-QazAqparat – RF Perm ólkesindegi Sars kentinde oqýshy qarýdan oq atqan, zardap shekkender joq. Bul týraly dúısenbi kúni quqyq qorǵaý organdarynyń derekkózinde jazylǵan, dep habarlaıdy QazAqparat TASS agenttigine silteme jasap.

«Perm ólkesindegi Sars kentinde bir oqýshy mektepke qarý alyp kelgen. Ol tóbege bir ret oq atyp úlgergen. Oqıǵa kezinde oqý ornynda tek qana kúzetshi áıel bolǵan, ol zardap shekken joq», - delingen derekkózde.

Mektep oqýshysy ustaldy. Onyń bul áreketiniń sebebi anyqtalyp jatyr. Oq atylǵan qarýdyń túri de anyqtalýda.

TASS aqparatyn Іshki ister mınıstrliginiń Bas basqarmasy rastady.

Aıta keteıik, osyǵan deıin Perm qalasyndaǵy ýnıversıttet atys bolyp, 7 adamnyń mert bolǵanyn jazǵan edik.

Osy oqıǵaǵa qatysty Qazaqstannyń Bilim jáne ǵylym mınıstri pikir bildirdi.