Reseıdiń Orynbor oblysynda tótenshe jaǵdaı rejimi jarııalandy
ASTANA. QazAqparat - Reseıdiń Orynbor oblysynda saýda keshenindegi órtke jáne kóppáterli turǵyn úıdegi gaz jarylysyna baılanysty tótenshe jaǵdaı rejimi jarııalandy, dep habarlaıdy TASS.
«2 jeltoqsannan bastap Orynbor oblysy gýbernatorynyń jarlyǵyna sáıkes óńirde tótenshe jaǵdaı jarııalandy» delingen RF TJM qalalyq basqarmasy taratqan habarlamada.
Málimetke sáıkes, 2 jeltoqsan kúni Novotroıtskte Molodejnoı kóshesindegi bes qabatty úıdiń 4-qabatynda gaz jarylý oqıǵasy bolǵan. Qazir úıge gaz berilý toqtatylǵan.
Al kúndiz Orynborda Jeńis dańǵylyndaǵy bir qabatty «Mega Mır» saýda úıiniń shatyry otqa oranǵan. Tilsiz jaý 1,5 myń sharshy metr aýmaqty sharpyǵan. 300 sharshy metrdeı shatyr opyrylyp túsken. Japa shekkender joq. Ǵımarattan 40-taı adam qaýipsiz jerge shyǵaryldy.
