Reseıdiń Ortalyq banki negizgi mólsherlemeni kóterdi, rýbldiń quny tómendeýde
Beısenbi kúni Reseı Federatsııasynyń Ortalyq banki negizgi mólsherlemeni bir paıyzdyq pýnktke 10,5% deıin kóterdi.
Osy sheshimnen soń rýbldiń quny Máskeý bırjasynda tómendeı berdi: dollar 55 rýblden asty, al eýro 68,5 rýbl deńgeıinde saýdalanýda. Reseı banki óz sheshimin ulttyq valıýtanyń álsireýinen týyndaǵan tutyný baǵalarynyń ósýin tejeý qajettiligimen túsindirdi. "Qarasha aıynda jáne jeltoqsan aıynyń basynda ınflıatsııanyń artýy jalǵasa berdi. 8 jeltoqsandaǵy baǵalaý boıynsha, tutyný baǵalarynyń jyldyq ósý qarqyny 9,4% qurady. 2014 jyldyń qarasha aıynda bazalyq ınflıatsııa 8,9% deıin kóterildi", - delingen atalmysh banktiń habarlamasynda. Reseı Ortalyq banki baǵaǵa 2014 jyldyń tamyz aıynda engizilgen syrtqy saýdadaǵy shekteýler de óz áserin tıgizgenin aıtady. Banktiń dırektorlar keńesiniń negizgi mólsherleme deńgeıi týraly máseleler qaralatyn kelesi otyrysy 2015 jyldyń 15 qańtarynda ótedi.