Reseıdiń Ortalyq banki basqarmasy bastyǵynyń orynbasary úsh qyzmetkerin atyp óltirdi
ASTANA. QazAqparat - Reseıdiń Blagoveşensk qalasynda OB basqarmasy bastyǵynyń orynbasary osy banktiń úsh qyzmetkerin atyp óltirgen, dep habarlaıdy RBK.
Ortalyq banktiń Amýr oblysy boıynsha bas basqarmasy bastyǵynyń orynbasary úsh qyzmetkerdi atyp tastap, sodan keıin óz ómirine ózi qol salǵan. Bul týraly Reseı tergeý komıteti aımaqtyq tergeý basqarmasynyń ókili Alekseı Lýbınskıı habarlady.
Qaıtys bolǵandardyń arasynda eki áıel adam men bir er adam bar. Áıelderdiń biri bank basqarmasy bastyǵynyń orynbasary, ekinshisi - banktegi bólim bastyǵy bolyp jumys istese, er adam bank basqarmalarynyń biriniń bastyǵy qyzmetin atqarǵan.
