Reseıdiń óńirinde ishimdikten ýlanǵandar sany 8 adamǵa jetti
ASTANA. QazAqparat - Reseıdegi Krasnoıar qalasynyń aýrýhanasyna «metıl spırtinen ýlaný» dıagnozymen taǵy úsh adam kelip tústi, dep habarlaıdy RF Tergeý komıtetiniń aımaqtyq basqarmasy.
Osylaısha, qazirgi kezde medıtsınalyq mekemede osy dıagnoz qoıylǵan jeti adam jatyr, taǵy bir er adam 11 sáýir kúni qaıtys boldy, delingen habarlamada.
Krasnoıar ólkesi boıynsha Tergeý komıteti resmı ókiliniń habarlaýynsha, aýrýhanaǵa túskender «Jack Daniel's» jasandy vıskıin iship ýlanǵan. «Búgin aýrýhanaǵa sýrrogat vıskıdi iship ýlanǵan segizinshi adam kelip tústi. Er adamnyń ishimdikti qaıdan alǵany anyqtalýda», - deıdi ol.
2015 jyldyń sońynda Krasnoıar qalasynda jasandy vıskıden ýlanǵan jeti adam qaıtys boldy, dep habarlaıdy reseılik RBK agenttigi.
Foto:sputniknews-uz.com
