Reseıdiń Olımpıada chempıony qazaq balýandaryn jattyqtyrmaq
ASTANA. QazAqparat - Erkin kúresten 2004 jylǵy Olımpıada oıyndarynyń chempıony Hadjımýrat Gatsalov jáne daǵystandyq maman Maırbek ıÝsýpov Qazaqstan quramasynyń keńesshisi bolyp taǵaıyndaldy, dep habarlaıdy QazAqparat tilshisi.
Qazaqstan kúres federatsııasy taratqan málimetke súıensek, Erkin kúresten Qazaqstan quramasyn buǵan deıin taǵy bir reseılik maman Sergeı Beloglazov jattyqtyrǵan. Ol daıyndaǵan qazaqstandyq balýandar Rıo olımpıadasynda medal ala almaǵan. Osydan keıin Beloglazov otstavkaǵa ketti.
Al endi kelgen maman erkin kúresten álemniń bes dúrkin chempıony, úsh dúrkin Eýropa chempıony, 2004 jyly Afınada ótken Olımpıada oıyndarynyń chempıony.
Esterińizge sala keteıik, Qazaqstan balýandary 10-14 mamyrda Delıde (Úndistan) ótetin Azııa chempıonatyna qatysady.
