Reseıdiń Novosıbırsk qalasynda qazaqstandyq stýdent joǵalyp ketti
ASTANA. QazAqparat - Reseıdiń Novosıbırsk qalasynda 30 jastaǵy stýdent úıge bara jatqan jolda joǵalyp ketti, dep habarlaıdy NGS. NOVOSTI.
Reseı qalasynda iz-túzsiz ketken jigit týraly ótinishti polıtsııaǵa onyń jubaıy Marııa Derkach bergen.
Pavlodar oblysy Myńqul stantsııasynyń turǵyny, joǵalyp ketken jigittiń áıeli Marııa Derkachtyń sózine qaraǵanda, joldasy Andreı Tomskidegi joǵarǵy oqý oryndarynyń birinde bilim alýda. Bıyl dıplomdyq jumysyn qorǵaýy tıis, osyǵan baılanysty ol mamyr aıynda Tomskige ketken. Andreı otbasymen baılanysqa sońǵy ret 12 mamyr kúni shyqqan.
«Men onymen sońǵy ret juma kúni keshki saǵat altylarda habarlastym. Ol ishimdik iship alypty, óziniń úıge kele jatqandyǵyn jáne ázirge Novosıbırsk qalasynda dostarynda turaqtaǵyndyǵyn aıtty»,- deıdi Marııa Derkach.
Qazaqstandyq belgilengen ýaqytta úıine oralmaǵan, telefony óshirýli bolǵan. 13 mamyr kúni onyń telefonyna belgisiz bir adam jaýap berip, telefondy taksısten satyp alǵandyǵyn jáne óziniń Kemerov qalasynda ekendigin aıtqan. Budan keıin baılanys múldem úzilgen. Joǵalǵan jigittiń jaqyndary birden polıtsııaǵa habarlasqan.
Reseıde joǵalǵan jigittiń týystarynyń sózine qaraǵanda, onyń kúıeýi Tomskidegi sessııasyna Karasýk jáne Novosıbırsk arqyly 4 jyl boıy qatynap kelgen. Novosıbırsk qalasynda onyń eshqandaı tanysy nemese dosy joq kórinedi.
