Reseıdiń Nıjegorod oblysynda órt saldarynan segiz adam qaza tapty
ASTANA. Qarashanyń 3-i. QazAqparat - Reseıdiń Nıjegorod oblysynyń Balahna qalasynda qaıǵyly oqıǵa oryn aldy.
Turǵyn úıden shyqqan órttiń saldarynan 8 adam qaza tapty, dep habarlaıdy «RIA «Novostı» agenttiginen.
Aımaqtyq tótenshe jaǵdaılar mınıstrliginiń baspasóz qyzmetiniń basshysy Svetlana Petrovanyń habarlaýynsha, «órt týraly habar túngi saǵat 00.51-de túsken. Segizpáterli aǵashtan salynǵan turǵyn úı órtengen. 150 sharshy metr aýdanǵa jaıylǵan órttiń saldarynan úıdiń shatyry ortasyna túsken».
