Reseıdiń Mýrmansk qalasy mańyndaǵy zymyran zaýytynyń qoımasynda jarylys boldy
MÝRMANSK. TASS-QazAqparat – Reseıdiń Mýrmansk qalasy mańyndaǵy zymyrandy-artıllerııalyq zaýytynyń dári-dármekter qoımasynda jarylys bolyp, 5 adam jaraqat aldy, dep habarlaıdy QazAqparat Reseıdiń TASS agenttigine silteme jasap.
Derekkózdiń habarlaýynsha, oqıǵa Roslıakov shaǵynaýdanynda bolǵan. Ol qoımada túrli kalıbrli snarıadtardyń bar ekenin jetkizdi. Jarylystan keıin órt bolǵan joq.
«Aldyn ala málimetter boıynsha, jaraqat alǵandardyń ekeýiniń jaǵdaıy aýyr, úsheýiniń jaǵdaıy ortasha»,-dep habarlady jedel qyzmet ókilderi.
Jarylystyń aldyn ala sebepteriniń biri oq-dárilerdi qoldaný tártibiniń buzylýy bolyp otyr.
Qorǵanys mınıstrliginiń ókilderi jaraqat alǵandardyń gospıtalǵa jetkizilgendigin habarlady. Qazir olardyń ómirine ónip turǵan qaýip joq. Soltústik Flot ókilderi tótenshe jaǵdaıdan soń tekserý jumystaryna kiristi.
«Aldyn ala málimetter boıynsha, qoımanyń tehnıkalyq aýmaǵynda júkti tıeý jáne tasymaldaý kezinde qaýipsizdik erejeleriniń buzylýyna baılanysty artılerııalyq dári-dármekter jarylyp, 5 adam jaraqat aldy»,-dep habarlady Flottyń baspasóz qyzmeti.
