Reseıdiń «Mýlt» telearnasy qazaq tilinde sóıleıdi

ASTANA. QazAqparat - QR Aqparat jáne kommýnıkatsııalar mınıstri Dáýren Abaev reseılik «Mýlt» telearnasyn qazaq tiline kóshirý týraly aıtty, dep xabarlaıdy QazAqparat tilshisi.

«Qazaqstanda reseılik «Mýlt» telearnasy joǵary reıtıng kórsetip otyr. Osyǵan balanysty biz atalǵan arnany qazaq tilinde taratýǵa kelistik. Bas kezinde jekelegen mýltfılmder aýdarylady. Artynan birtindep qazaq tilinde xabar taratýdy ulǵaıtý josparlanǵan», - dedi D.Abaev mınıstrliktiń alqa májilisinde.

Onyń aıtýynsha, bıyl medıa ólshem jasaıtyn júıe iske qosylady. Sonyń negizinde telearnalar men aqparattyq ónimderdiń reıtıngi jasalady.

«Menińshe, osy júıe arqyly bolashaǵy bar jobalardy qarjylandyrýǵa bolady. Memlekettik-aqparattyq tapsyrystyń tıimdiligi de artady», - dep atap kórsetti D.Abaev.

Aıta keteıik, otyrysta Dáýren Abaev tsıfrlyq telexabarlarǵa qosylatyn oblystardy atady. Byltyr elimizde analogtyq tele-radıo xabarlardy taratýdy kezeń-kezeńimen toqtatý jumystary bastalǵaú bolatyn. Búginde tórt aımaq - Mańǵystaý, Túrkistan, Jambyl oblystary jáne Shymkent qalasy tolyǵymen tsıfrlyq teledıdarǵa kóshti.

«Osylaısha, aýyldaǵy aǵaıyn 15 otandyq telearnany, al oblys ortalyǵynyń turǵyndary 30 arnany joǵary sapada tamashalap otyr. Bıyl biz Almaty, Pavlodar men Qostanaı aımaqtaryn tsıfrlyq xabar taratýǵa aýystyrýdy kózdep otyrmyz. Osy baǵyttaǵy jumystar 2022 jyly tolyq aıaqtalady degen josparymyz bar», - dedi D.Abaev mınıstrliktiń alqa májilisinde.

Spýtnıktik qabyldaǵyshtar aýyl turǵyndaryna tegin beriledi. Al Qazaqstannyń telexabarlary Reseıge tarala bastady.