Reseıdiń MTV telearnasy jabylmaq
ASTANA. 10 jeltoqsan. QazAqparat - 2013 jyldyń 1 maýsymynan bastap MTV Rossııa telearnasy jabylady,
dep habarlady BBC orys qyzmeti.
Al onyń jıiliginde «Pıatnıtsa» oıyn-saýyq telearnasy paıda bolmaq. BAQ-tardyń taratqan aqparattaryna qaraǵanda, 2007 jyly MTV arnasyn satyp alǵan "ProfMedıa" kompanııasy onyń brendinen bas tartyp, Viacom-men paıdalaný kelisimshartyn uzartýǵa nıet tanytyp otyrǵan jok. «Pıatnıtsa» jańa telearnasynda "Projektorperıshılton" jáne "Bolshaıa raznıtsa" syndy shoýlar kórermen nazaryna usynylatyn bolady.
MTV Rossııa óz qyzmetin 1998 jyly bastaǵan bolatyn. Búginde ony TMD-nyń 720 qalasynyń turǵyndary tamashalaıdy.
