Reseıdiń Magnıtogorskisinde zardap shekkenderge tólenetin tólem kólemi ulǵaıtylady
MAGNITOGORSK. QazAqparat - Magnıtorgorsk qalasyndaǵy turǵyn úıdiń bir bóliginiń opyrylyp qulaýy kezinde zardap shekken adamdarǵa beriletin tólemderdiń kólemi ulǵaıtyldy.
Chelıabınsk oblysynyń bıýdjeti esebinen beriletin tólemder 66 mln rýblden 93 mln-ǵa deıin kóbeı. Bul týraly TASS agenttigine silteme jasap «QazAqparat» HAA habarlaıdy.
«Chelıabınsk oblysynyń gýbernatory Borıs Dýbrovskııdiń sheshimimen Magnıtogorsk qalasyndaǵy qaıǵyly oqıǵadan zardap shekkenderge beriletin aımaqtyq tólemder kólemi 93 mln rýblǵa deıin kóbeıtildi», - dep atap ótti baspasóz qyzmeti Chelıabınsk oblysy ákimshiliginiń baspasóz qyzmeti.
Buǵan deıin Chelıabınsk oblysynyń gýbernatory aımaqtyq úkimettiń úıdiń opyrylyp qulaýynan qaza tapqan jáne zardap shekken adamdardyń otbasylaryna kórsetetin materıaldyq kómek kólemin bekitken: qaza tapqandardyń otbasy múshelerine - 1 mln rýbl, densaýlyǵyna aýyr nemese ortasha zııan tıgen azamattarǵa - 400 myń rýbl, densaýlyǵyna jeńil zııan tıgen azamattarǵa 200 myń rýbl. Sondaı-aq múlkinen aıyrylǵan azamattarǵa 50 myńnan 500 myń rýblge deıin materıaldyq kómek kórsetiledi.
Eske sala keteıik, 31 jeltoqsan kúni tańerteń Magnıtogorskide turǵyn úıdiń kireberisteriniń birinde shatyr arqalyǵy opyrylyp túsken. Oqıǵa saldarynan 39 adam opat boldy. Qaıǵyly oqıǵa bola sal 18 adam qutqarylǵan, taǵy alty adam, sonyń ishinde eki balany qutqarýshylar úıindilerdiń astynan alyp shyqty. Іzdeý-qutqarý operatsııasy úsh kúnge sozyldy.
