Reseıdiń Mádenıet mınıstrligi Kırkorovty «tájinen» - halyq ártisi ataǵynan aıyrýy múmkin
ASTANA. 9 jeltoqsan. QazAqparat - Kırkorov bas bostandyǵynan ǵana emes, halyq ártisi ataǵynan da aıyrylýy múmkin. Juldyzǵa qarsy mundaı jazalaý sharasy Mádenıet mınıstrliginde sóz boldy. Ánshiniń ózi ókine otyryp, burynnan psıhıkalyq aýrýy bar ekenin, tipti shet elge emdelýge bara jatqanyn moıyndady, dep habarlaıdy Vestı. Rý.
Kırkorov moıyndady. Áıel soqqyǵa jyǵylǵan. Biraq BAQ-ta aıtylyp jatqandardyń bárine birdeı senýge bolmaıdy. Til tıgizgen. Biraq baspasóz gýletip jatqandaı, sonshalyqty ókpeleıtindeı dáneńe joq. «Men aýrýmyn», -dep moıyndady ánshi óz saıtynda:
«Ókinishke qaraı, uzaq ýaqyt boıy moıyndaýǵa ózimnen qorqyp kelgen jaıtty aıtýǵa májbúrmin. Qatty syrqat sııaqtymyn. Dertim jylyna eki márte qozady, sonyń saldarynan eshteńe esimde qalmaıdy jáne ne istep jatqanymdy bilmeımin. Budan ózim de qorqamyn. Jaqsylap emdelý kerek ekenin endi ǵana túsindim. Men Marına ıAblokovanyń jeke ózinen jáne kópshilik aldynda keshirim suraǵym keledi. Bolǵan jaıǵa qatty ókinemin. Ómirdegi mundaı jaǵdaıdyń salmaǵy aýyr ekenin túsinemin, biraq men úshin bul jaqsylap em qabyldaý úshin berilip jatqan belgi. Shyn máninde ondaı adam emes ekenime sendiremin», - deıdi ol.
Shet elge emdelýge bara jatqanyn Kırkorovtyń ózi málimdedi. Juldyzdyń qorǵaýshysy Tatıana Akımtsevanyń ártis qazirdiń ózinde Reseıde joq ekenin rastady.
Keıbir derekter Marına ánshiniń ústinen aryz berip qana qoımaı, Kırkorovtyń jaǵdaıdy beıbit jolmen sheshý týraly usynysynan da bas tartqan. Munyń zardap shegýshiniń qorǵaýshysy Sergeı Jorın de rastap otyr.
«Biz Fılıpp Kırkorovty qylmystyq jaýapkershilikke tartýdy qolǵa alamyz», - deıdi ol.
Qylmystyq jazadan bólek, Kırkorov Reseıdiń halyq ártisi ataǵynan aıyrylyp, moraldyq turǵydan da jazalanýy múmkin. Prezıdenttiń ókimine sáıkes, mádenıet qaıratkerine qylmystyq is qozǵalǵan jaǵdaıda onyń ataǵy kúshin joıýy múmkin.
